الحمل:
60 عام من الدكتاتورية والحيف والظلم، ومش مشكل نزيدو 60 عام أخرى، بما اننا رجعنا الجماعة .... وإلّي والفْ بالحْفى, ينسى صبّاطو...
الثور:
فلوس الشعب التونسي عند اشكون؟، خاصة اني الميزانية باش "تتنعوش" بعد السقوط المدوي لسعر البترول... ولاّ "إلّي يسرق يغلب إلّي يحاحي".
الجوزاء:
الرئيس الجديد وزير داخلية سابق، يشبه عرفو متاع 1987.... هكة حب الشعب التونسي على خاطر إلّي يتبّع خطوة الحمام ينسى خطوتو...
السرطان:
البرد والثلج والمرض ينزلوا في الوسط والجنوب.. والحكم ينزل في بقايع أخرى... و إلي برجو بالمرمة يموت في سطل بغلي..
العذراء:
الجماعة لمدو بعضهم وعملو حكومة... وإلّي ليك ليك و إلّي خاطيك خاطيك..
الميزان:
مع الصيد والباجي الخير باش يعم... وصدقوني انتظروا خمس عجاف!... وإلّي يحسب وحدو يفضلّو.
العقرب:
برشة سياسيين عملو العار... حتى العار شوية... وإلّي في القلب في القلب.
القوس:
مادام رجّعتو النظام القديم، تحملوا... وإلّي جابتّو ساقيه العصا ليه
الجدي:
الحكومة التي حطها الخارج ماهيش حكومة التوانسة... وإلّي متغطي بمتاع الناس عريان..
الدلو:
عملوا ثوروا وعطاوها لعدوهم.. جبن وغدر وخيانة.. وزادة إلّي ماهوش مستانس بالبخور تتحرق حوايجوا...
الحوت:
واحد خرج من الحكم وعطاه لغريمو وقال مصلحة البلاد.. ناله يا إلّي يعطي سلاحوا يموت بيه...
ورد بالكم جاكم "الصيد"...
ورد بالكم جاكم "الصيد"...
وربي يستر...
إلى حظ جديد