سي عبد الفتاح مورو، نائب رئيس المجلي، هاك الراجل الشهلول، التحفون الباهي، اللي حتى كيف تجيبلو فيفي عبدو، يبوسها من راسها ويعمل معاها شطحة كان لزم، ولا كان حشموه الأحيان، كان قاعد في بهو المجلس، على أحر من الجمر، يستنى في العرف الكبير...
وسي محمد الناصر، خاف لا النهضة تسبق النداء قدّام الضيف، وقّف خدمة المجلس في نصف ساعة والتحق بالبهو...
وسي محمد الناصر، خاف لا النهضة تسبق النداء قدّام الضيف، وقّف خدمة المجلس في نصف ساعة والتحق بالبهو...
وجاء الضيف، العرف، سفير امريكا، سي جاكوب والس، بحيثو.... يلقى الجماعة الكل يستناو... وكملو وحدكم آش صار...
ما تنساوش عاد، راهو سفير تونس في امريكا عامل بعمايلو، وقت يدخل للمجالس في امريكا.. بالحرام الّما... يزي عاد انتم تعرفو .. وانا نعرف آ ش يصير...
وما تغلطوش راهي المعاملة مع الأمركان الندّ للندّ.. وباش فايتينا.. حتى شئ، كان بقوانتانمو، ومش على ارضهم زادة ..
وما تغلطوش راهي المعاملة مع الأمركان الندّ للندّ.. وباش فايتينا.. حتى شئ، كان بقوانتانمو، ومش على ارضهم زادة ..
وتحيا السيادة الوطنية...
د. محجوب احمد قاهري