الخبر:
ألقى اليوم السيد مهدي جمعة بيانه على النواب "الجدد"، واعلن في بيانه عن كل فشل تتخيلونه خلصت إليه حكومته، ثم بادر بإعطاء الحلول...
التعليق:
الإنجازات كانت كبيرة لحكومة سي مهدي جمعة:
1- عجز بالربع في الميزانية
2- صعود التداين إلى معدلات خطيرة
3- انتكاسة لنسبة النمو
4- غياب كلّي لأي عمل تنموي بكل الجهات
6- ازدياد عدد المعطلين عن العمل
7- تدرج تونس إلى مقاعد اكثر خطورة في الفساد...
8- التهاب الأسعار..
ومن غير ما نزيدو في سرد الخيبات، ...
والسيد جمعة زاد بشرنا بخبر باهي، قال "ينتظر التونسيون 3 سنوات صعبة للغاية.." يا سيدي بارك الله فيك على هالخبر..
واللي ما فهمتوش، هو انو سي مهدي بدى يعطي في الحلول لهذا التردي المخيف، ومن بين الحلول قال " يلزم ترشيد النفقات"..
يا سي مهدي، إذا كنت تعرف الحلول علاش ما طبقتهاش في حكومتك، وكنت تخدم مرتاح و "الماكينة" معاك في كل خطوة وتعاون فيك!!!، ولاّ اللي تقول فيه كلام البطل الخارج واللي ما عندو ما يخسر...
وبصراحة ما أقواك يا سي مهدي، بصحفة كفتاجي مع سفير اندرا شنوة ولّيت رئيس حكومة، والبلاد ما رات منك ومن حكومتك شئ... حتى الكفتاجي ماعادش لاحقينو...
ونعرفو الكل انو "الانقلاب" اللي عملو "الحوار الوطني" على الثورة كان السبب في خسارة البلاد للكثير من الرهانات...
فوداعا إلى حوار وطني آخر... ربما نحتاجوك في محطات اخرى.. خاطر ألانقلابات برشة في تونس..