الخبر:
الرفيق المناضل حمة الهمامي صرّح اليوم وقال "سنعمل على قطع الطريق أمام المرزوقي"
وأمّا الموقف النهائي من الرئاسة فلا يزال بعد.
التعليق:
بربي خوذني على قد عقلي، ثمة مترشحان اثنان لا غير، السيد المرزوقي والسيد السبسي، اذا تقطع الطريق قدّام المرزوقي، آش معناها هذا؟
هل يعني بان الطريق باش تبقى مفتوحة أمام السبسي، ولا باش تبقاو على الحياد؟ ولا باش تعطو فرصة وحيدة لرئيس وحيد..
بحيث ما اكبر سعدو السبسي، الكلهم باش يقطعوا الطريق على المرزوقي ويبقاو محايدين أمام السبسي!!!..
ولكن آش وصّلنا لقطعان الطريق، فالطريق تقطع من هاك العام... يوم اغتيال الثورة من كل الأطراف...
حاجة وحدها نقولها الله يرحمك يا شكري بلعيد...
وفي نفس المعنى، تذكرت مرّة، حضرت لاجتماع شعبي لحزب التحرير، وسي رضا بالحاج يخطب في الجماهير، ويقول نحن "يعني حزب التحرير"، الحزب الأكثر شعبية في تونس والأكثر تنظيما، ولكن نحن ضدّ الديمقراطية ولا نؤمن بها..
وكان السؤال كيفاش يا سي رضا باش تحكمو البلاد؟!!.. والجواب طبعا "نسلمو ليه البلاد يحكمها لأنّو الأعلم بكل شئ والأكثر شعبية وتنظيم،.. هذا منطق يضحك زادة..
ونقطع عليكم الكلام ونقول.. ساعات المواقف الحقيقية تضحّك، ويحاول كل سياسي يغطيها بكلام فضفاض.. ولكن مفهوم...