3 دقائق أكهو!!!

الخبر:

سي إبراهيم الميساوي، رئيس الجمعية التونسية لمكافحة الفساد، قال "انّ عدد الموظّفين في تونس حوالي 600 ألف، ولكن عدد كبيرا منهم حاضرون قانونيا ولكنهم غائبون فعليا، وأكّد أنّ 20 بالمائة فقط من الموظّفين يعملون بجدية في حين أنّ 80 بالمائة لا يعملون.
وأكّد أنّ صافي العمل لا يتجاوز 3 دقائق يوميّا.

التعليق:

يا سي ابراهيم، البركة في اللي زاد نهار عطلة، نهار السبت، واللي عطى ساعة واحدة للفطور (غذاء)، بحيث الساعة ولات ساعات..

وزادة سيدي خويا، اذا كان الناس الكل تضرب في النوم، علاش تحبنا نخدمو!!

واذا كان عملنا 35 الف اضراب، والدنيا ماشية، علاش نخدمو!!..

واذا ناس ولاّت اغنياء وما خدمو حتى دقيقة، علاش نخدمو!!..

واذا غاب القانون... اشكون تحبو يحاسب!!...

والله لو تدخل المستشفيات في المناطق الداخلية، الّما تكري 10 "ندابات ملاح"، وتعمل نهار عاللي صاير..

 المهم ثقافة العمل ماهيش موجودة في تونس.. ومن 3 دقائق الى دقيقتين او دقيقة...

اللهم احفظ تونس.

د. محجوب احمد قاهري