حظك هذا الأسبوع؟!

 

الحمل:

ان بعض الظن إثم، إذا كنت تظن بأن الثورة في تونس قد توصلت الى تغيير ما، فانت بالفعل حمل، وأكثر من حمل.

لقد كانت ثورة بلا ثوّارـ وقادها أشباه ثوار وافشلوها بغباءهم وتكبّرهم... وشوف غيرها يعيّش ولدي...

الثور:

حبّه علّم الغزل. وحبّه أعاد نظام الإقطاع وكل الإقطاعيين معه. ويكب سعد العار... 
ولن تكون العودة سالمة، وانتظروا ما بعد تشكيل الحكومة.. 

والثور اقصي أحلامه حب بقرة.. وهذا آخر كلام.

الجوزاء:

بمناسبة الجوزاء، شيئان لا تنساهما أبدا، الأول هو إننا،  في تونس، اعطينا أملا لكل الشعوب العربية المستضعفة لكي تتحرّر، والثاني هو إننا سمحنا بأسوأ نهاية لهذا الأمل بأن اعدنا الدكتاتورية ولم نقاوم ولو ثانية واحدة.... وربي يهدي الساسة..

ومن عاشر الفحام نال سواده... وشوف روحك يا جوزاء!!!

السرطان:

الدولة العميقة في تونس أقوى من السرطان المرض، فقد أكلت كلّ شئ... و"بحيثو" السرطان الكبير رجع، ورجع معاه الخوف والألم.. والجماعة يقولوا انقذنا تونس!!
قلنا ليهم كيفاش، قالوا رجعنا القديم، واخطانا خويا من المشاكل... 

العذراء:

يا حسرة، هالكلمة ولات فال...

ما خلاو شئ ما وسخوشو... حتى الديمقراطية المزعومة جات بالدم... 

وأعذرك فانت لست عذراء...

الميزان:

الميزان هو العدل...

والعدل "الجديد" هو ان يكون النظام القديم على رأس البرلمان، وعلى رأس الحكومة، وعلى رأس الرئاسة، وعلى رأس الشعب..

والعدل انو الخوف يرجع..

والعدل انو يكون عندنا ضحايا جدد..

وانت أول الضحايا يا ميزان... وحط ربي في بالك..

العقرب:

ثلاثة حاجات انساهم، الحرية، الديمقراطية و العدالة الأجتماعيةـ فالحكومة الجاية هي حكومة بنك النقد الدولي وحكومة المصالح الغربية...

وحتى كيف تولي 100 عقرب ما عندك ما تعمل.. ننصحك انسى كل شئ.. واللي برجو بالمرمة يموت في سطل بغلي...

قالوا عقرب!!!!

القوس:

حتى الشاعر قال، ورمتني بقوس حاجبها..

هذا لو كان عندها حاجب... فهي حكومة لقيطة ما عندها لا أصل ولا فصل، ايديولوجيا ومال فاسد وديناصروات سياسية واعلامية فاسدة...

والصبر على الله... 

الجدي:

للجدي خصلتان، لحم طري وشواء سريع..

ورد بالد ولدي، الطريق طويل والأفاعي في كل مكان... 

والجماعة تعاركو على رئاسة الحكومة، وجدي كيفك والله ياكلوه في قعده...

وصبرت حتى ملّ الصبر من صبري....

الدلو:

برشة كيفك... قيمتهم في استعمالهم..

وقداش استعملو من واحد حتى يرجع النظام القديم.. 

والسؤال، سمي لي طرفا واحدا لم يشارك في الثورة المضادة، اما بالغباء، او بالصمت... وبعد قالك منّعنا تونس.. اكيد يقصد منعناها من التغيير الحقيقي ومن الطريق نحو الديمقراطية والحرية...

الحوت:

الحوت ياكل الحوت وقليل الجهد يموت...

حتى الجنود اللي ماتوا في الجبل قلال جهد، فهم يا اما جندي متطوع أو رقيب أو عريف... 

واللي يموتوا في الثلج زواوله زادة... والحوت يحكي على السياحة في الثلج.. 
ووووو....

وربي يستر...

الى الأسبوع القادم... وحظ جديد

د. محجوب احمد قاهري